Одложено денешното рочиште за „Рекет“

Одложено денешното рочиште за случајот "Рекет", на кое требаше да сведочи поранешната специјална јавна обвинителка Лиле Стефанова. Рочиштето се одложи поради отсуство на бранителите на Катица Јанева, Дељо Кадиев и Ирена Фрчковска кои поради здравствени проблеми не дојдоа во судот. Според доставената медицинска документација, адвокатот Кадиев се наоѓа на Клиниката за инфективни болести и е на антибиотска терапија, додека Фрчковска има рок до утре да достави извештај за нејзината здравствената состојба. Случајот го води судијката Васка Николовска-Масевска и се наоѓа во доказна постапка, а наредното рочиште го закажа за в четврток во 10.00 часот.

Горан Симоновски