Одбојкарите повикуваат на поддршка и ветуваат победи во дуелите со Израел

Она што секако претстојниов викенд ќе привлече најмногу внимание кај македонската спортска јавност, е настапот на нашата најдобра машка одбојкарска репрезентација.

 

Македонските одбојкари викендов во СЦ „Борис Трајковски’’ во Скопје, ќе одиграат два натпревари против селекцијата на Израел во рамките од Европската лига.

 

Она што радува е оптимизмот во редовите на црвено-жолтите, а капитенот, Никола Ѓоргиев, најави дека нашите одбојкари ќе атакуваат на две победи против Израел и со тоа ќе ги задржат шансите за пласман во полуфиналето на Европската лига.

 

Првата средба е утре (сабота) од 20 часот и 15 минути, а вториот натпревар е во недела со почеток во 17 часот и 30 минути, а цената на влезниците е 100 денари.