Одбиен предлогот на ВМРО-ДПМНЕ за укинување на пржинската влада

Со 55 гласа против и 32 за претседателот на Собранието Талат Џафери констатира дека предлогот на пратениците од ВМРО-ДПМНЕ, на дневен ред на собраниската седница да се расправа за укинување на таканаречената пржинска влада не е усвоен.

Претходно координаторот на пратеничката група Никола Мицевски во образложението на нивниот предлог рече дека пржинската влада се покажала како нефункционална и дека треба да се укине.

-Очекував дека ќе добиеме поддршка и од другите пратенички групи. Со овој предлог се предвидува бришење на одредбите од Законот за Влада, односно 100 дена пред избори да се избере нова преодна влада или позната во јавноста како пржинска влада. Истото е дебатирано меѓу најголемите партии и има консензус. Не се работи за обемно решение и очекувам поддршка – рече Мицевски.