Одбележување на 75-годишнината од формирањето на Првата македонско-косовска ударна бригада
Општинската организација на Сојузот на борци од Народноослободителната и антифашистичка војна на Македонија 1941-1945 и на граѓаните продолжувачи во општините Охрид и Дебрца и локалната самоуправа на општина Дебрца денеска ја одбележуваат 75-годишнината од формирањето на Првата македонско-косовска пролетерска ударна бригада.
Програмата за одбележување на јубилејот предвидува повеќе активности, меѓу кои во 10:30 часот положување цвеќе на споменикот во селото Сливово, со пригодни обраќања и историски час за борбениот пат на бригадата и нејзиното значење во конечнот ослободување на земјата од фашистичкиот окупатор. Потоа е предвидена посета на спомен-домот во Сливово.
Во 11:30 часот цвеќе ќе биде положено и на споменикот на паднатите борци во НОБ во селото Белчишта, како и пред паметникот на Трајче Дојчиноски.
Потоа следува посета на Ликовната изложба во ОУ „Дебрца“ во Белчишта, а свеченостите ќе бидат заокружени со свечена програма по повод Патрониот празник на училиштето.
Првата македонско-косовска бригада е формирана на 11 ноември 1943 година кај селото Сливово, во атарот на Општина Дебрца. Броела 700 борци од батаљоните „Мирче Ацев“, Крушевскиот батаљон, Првиот косовско-метохиски батаљон „Рамиз Садику“ и Вториот косовско-метохиски батаљон „Боро Вукмиривиќ“. Таа била многунационална воена единица, во чиј состав имало Македонци, Албанци, Срби, Црногорци, Словенци, Италијани.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот