Одбележани 16 години од загинувањето на шест припадници на безбедносните сили во Тетово
По повод шестнаесет години од загинувањето на шест припадниците на безбедносните сили од гарнизонот Тетово во конфликтот во 2001 та година денеска во касарната на АРМ „Кузман Јосифовски-Питу" се одржа војничка свеченост за пригодно одбележување во спомен на загинатите.
Со едноминутно молчење за нивниот патриотизам, храброст и несебичност во заштитата на територијалниот итегритет и суверенитет на Република Македонија почит им беше оддадена на постариот водник Исак Руфати и војниците Николче Китанов, Пеце Матичевски, Влатко Миленкоски и Благоја Силјаноски кои на денешен ден пред шеснаесет години загинаа во заседа на две вооружени групи на потегот помеѓу Шипковица и Гајре на патот што од Тетово води до Попова Шапка како и на војникот Блашко Толев кој на 1 јули загина при гранатирање на Попова Шапка.
-За време на конфликтот во 2001 година загина 72 припадници на АРМ и МВР а околу 400 беа повредени. Загинаа и 10 цивили, а киднапирани беа 25 лица кои се водат како исчезнати. Конфликтот што правно заврши на 13 август 2001 година презвика освен овие човечки жртви и големи материјални загуби. Сепак територијалниот интегритет и суверенитет на државата беше сочуван најмногу поради несебичната пожртвуваност на патриотите кои беа во состав на безбедносните сили на Македонија меѓу кои беа и шестмината припадници на нашиот гарнизон кои ги дадоа своите животи за оваа цел, рече командантот на тетовскиот гарнизон на АРМ потполковник Игор Спасеноски.
Со полагање свежо цвеќе пред спомен плочата која во нивна чест е поставена пред командата на гарнизонот Тетово почит на загинатите им оддадоа членови од нивните семејства како и делегации на Првата механизирана пешадиска бригада, Третиот механизиран пешадиски баталјон, Командата на вториот логистички баталјон, Сојузот на борци Тетово, Организацијата на резервни официри Тетово, Сојузот на воени и полициски ветерани Тетово и Одборот на бранители.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање