Одбележана 112 годишнина од смртта на Никола Карев кај Свиланово

Со положување цвеќе на спомен обележјето на Никола Карев кај месноста Свиланово, близу кочанското селото Рајчани, денеска беше одбележана 112 годишнината од  смртта на првиот претседател на Крушевската република Никола Карев. 

 

На спомен обележјето на Карев кај Свиланово  цвеќе положија делегации од збратимениот град  Крушево, потомци од семејството  Кареви, како и од општините Кочани, Пробиштип и Чешиново Облешево.

 

На одбележувањето на 112 годишнината од смртта на Карев кај  Свиланово кој во борба со османслискиот аскер загина на 27 април 1905 година на пат за родното Крушево, пред присутнмите зборуваше Благој Димитров, пензиониран професор по историја.

 

Ученици од основните училишта што го носат името на Никола Карев од Крушево и Кочани  изведоа уметничка програма, а свои стихови посветени на Карев читаа и поети од двата збратимени града.

 

На присутните на денешното чествувањео на годишнината од херојската смрт на Никола Карев им беше преставен проектот „Спомен парк Карев“ кој со заеднички финансиски средства деновиве ќе започнат да го градат општините Кочани, Пробиштип и Чешиново Облешево.

 

Годишнината од смртта на Никола Карев беше одбележана и со полагање цвеќе на споменикот на Карев во паркот на револуцијата во Кочани и на спомен обележјето кај селото Тркање.