-->
-->
Одбележан празникот Св. Трифун во село Кучково
-->

Стотици гости од целата скопска околија присуствуваа денеска на централната прослава на верскиот празник Св.Трифун во селото Кучково, општина Ѓорче Петров. На овој ден се реже лозјето и се попрскува со осветена вода, во која има лозови гранчиња.
Како што соопшти општина Ѓорче Петров, по повод празникот, свештеници од МПЦ, Скопска епархија, одржаа свечена служба и ги зарежаа лозите во манастирот посветен на заштитникот на лозјата и овошките Св.Трифун. На прославата присуствуваше и градоначалникот на општината Сокол Митровски, кој на сите православни христијани кои го носат името на големиот светец им го честита празникот.
Постарите жители на селото се потсетуваат на илјадниците корени лозја кои во минатото ги одгледуваа кучковци, а виното пак кое го произведуваа било со висок квалитет. И денес во селото може да се сретне понекоја помала површина засадена со лозов насад. Сепак, за кучковци и жителите од околните места празникот Св. Трифун претставува вековна традиција која и во иднина ќе се негува и прославува.
Домаќини обезбедија бесплатен оброк, а прославата беше збогатена со настап на познати имиња од нашата естрада.
-->
-->
-->
Ново на Сител
-
Скопјанец силувал 15-годишен штитеник од установа за згрижување деца
-
„Пики блајндерс“ ќе добие и филм и нови епизоди
-
На граничните премини Табановце, Богородица и Дојран се чека до еден час
-
Англија ќе им забрани на трансродовите лица да учествуваат во женскиот фудбал
-
Опожарена барака на улица „Самоилова“ во Скопје
-
Нов повик за субвенциониран студентски оброк, проширен е опсегот на мерката
-
Мицкоски: Трудот е темелот на секоја напредна држава
-
ЦУК: Пробиштипјанец кој беше пријавен за исчезнат пронајден починат