Од утре започнува етапната исплата на јунските пензии
Од утре започнува етапната исплата на јунските пензии. Пензиите како што наведува Министерството за труд и социјална политика ќе бидат исплатени предвреме и етапно, со цел поголема заштита на пензионерите во услови на опасност од Коронавирусот.
Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи и тоа според висината на пензијата.
– За пензии со висина до 11.000 денари исплатата да се изврши утре, за пензии со висина од 11.001 до 14.000 денари исплатата да се изврши во среда, за пензии со висина од 14.001 до 18.000 денари исплатата да се изврши на први следниот месец, а за пензии со висина над 18.001 денари исплата да се изврши на 2 јуни – петок, се наведува во соопштението од Министерството.
Од таму информираат дека пензионерите кои користат платежна картичка, поврзана со сметката на која се префрлува пензијата, со парите можат да располагаат од 29 јуни, односно од утре.
Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања. Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи. Апелираме до пензионерите да се придржуваат до распоредот за исплати, велат од Министерството.
Ново на Сител
-
ОЈО Битола доби нов Истражен центар за борба против најтешките и најсериозните облици на криминал
-
Николоски: Клучната разлика меѓу оваа и претходната влада е што сега се испорачуваат резултати, откочени се проектите од коридорите 8 и 10
-
Мицкоски: Тоа што не успеаја Тодор Живков и други бугарски политичари со Македонија успеа во време на СДСМ
-
До 13 часот изгаснати четири пожари, еден активен во Берово
-
Украинскиот парламент усвои закон со кој се обезбедува независност на антикорупциските надзорни тела
-
Зеленски повика на „промена на режимот во Русија“ и конфискација на рускиот имот
-
Комисијата за избори и именувања распиша јавен оглас за нов претседател на ДКСК по оставката на Димитровска
-
Во јуни раст од 22.5 % во трговија на мало со храна, пијалаци и тутун