Од планираните 94 милиони денари поддршка за авиокомпаниите, досега исплатени 21 милион

Од планираните 94 милиони денари финансиска поддршка за авиокомпаниите, досега се исплатени 21 милион или 22 процента, соопшти денеска министерот за транспорт и врски, Горан Сугарески.

Сугарески на прес-конференција во Владата рече дека договорот со „Визер“ моментно е во мирување заради настаната состојба и откажувањето на сите летови од домашните аеродроми.