Од денеска ограничување на цената на руската нафта, но и забрана за увоз во ЕУ
Одлуката за ограничување на цената на руската нафта на 60 долари за барел значи дека таа ќе може да се продава на трети земји користејќи танкери на земјите од Г7 и од ЕУ и да се користат нивните осигурителни компании и кредитни институции, само ако нафтата се продава по цена под 60 долари
Денеска стапи на сила ограничувањето на цената на руската нафта од 60 долари за барел договорено од ЕУ, Г7 и Австралија, како и забраната за увоз на руска нафта во ЕУ, со неколку исклучоци.
Одлуката за ограничување на цената на руската нафта на 60 долари за барел значи дека таа ќе може да се продава на трети земји користејќи танкери на земјите од Г7 и од ЕУ и да се користат нивните осигурителни компании и кредитни институции, само ако нафтата се продава по цена под 60 долари.
Бидејќи клучните светски транспортни и осигурителни компании се лоцирани во земјите на Г7, ограничувањето на цената може да и отежне на Москва да продава нафта за повисока цена, проценува Ројтерс.
Но, Москва рече дека нема да ја почитува одлуката, дури и ако треба да го намали производството.
Александар Новак, потпретседателот на руската влада задолжен за енергетика, рече „работиме на механизми за забрана на употребата на инструментот за ограничување на цените, без оглед на нивото на кое е поставено, бидејќи таквото мешање може дополнително да го дестабилизира пазарот“.
Русија не прифаќа ограничување на цената на нафтата
Украина, пак, повика на цена од 30 долари за барел. Но, Западот стравува дека премногу ниската цена може да доведе до тоа Русија да ја повлече суровата нафта од пазарот, што ќе доведе до голем скок на цените.
Украинскиот претседател Володимир Зеленски изјави дека ограничувањето на цената на руската нафта на 60 долари не е сериозно и тешко дека ќе ја одврати Русија од војната во Украина
Андриј Јермак, шефот на администрацијата на Зеленски, претходно рече дека границата треба да се постави на 30 долари „за побрзо да се уништи непријателската економија“.
Зеленски се пожали дека светот покажал слабост поставувајќи ја границата на 60 долари, што според него ќе го зголеми буџетот на Русија за 100 милијарди долари годишно.
Ограничувањето ќе го разгледуваат замјите од ЕУ и од Г7 на секои два месеци.
По ЕУ, и Австралија и Г7 ја ограничија цената на руската нафта на 60 долари за барел
Ембаргото на ЕУ за увоз на руска нафта беше договорено во јуни како дел од пакетот санкции против Русија поради нејзината инвазија на Украина.
Исклучоците се однесуваат на Унгарија, Словачка и Чешка, три земји-членки на ЕУ кои се особено зависни од руската нафта поради нивната географска локација и неможноста да го заменат овој увоз за кратко време.
За два месеци, на 5 февруари, стапува на сила ембаргото за нафтени деривати.
Ново на Сител
-
Трамп „не е задоволен“ со Путин, разгледува нови санкции
-
ЦУК: Активни 11 пожари, еден под контрола
-
Потпишан договор за грант од 5,5 милиони евра за енергетска реконструкција на студентски домови
-
Најмалку осуммина повредени во невремето што попладнево го погоди Белград
-
ЕК за концертот на Томсон: Го осудуваме секој израз на фашизам, членките на ЕУ да го казнат говорот на омраза
-
Голема брзина над дозволената причина за несреќата во која загинаа Жота и Силва
-
Вардар и Алкалоид се двете македонски екипи во Лига Европа во ракомет
-
Владата прогласи кризна состојба од 30 дена поради пожарите