Од денес стапуваат на сила измените на КЗ

Од денеска стапуваат на сила измените на КЗ со кои драстично се намалуваат казните за дела поврзани со корупција. законските измени беа објавени во Службен весник на 7ми септември, минатиот четврток, а стапуваат на сила на осмиот ден од објавата.

Измените кои предизвикаа реакции во јавноста беа изгласани во Собранието за само 24 часа. Дел од политичките партии јавно излегоа со сомнежи дека тие се резултат на политички договор меѓу власта и опозицијата.

Измените меѓу другото значат намалување на затворски казни за злоупотреба на службена положба за лична корист, можност за порано да застарат дела, бришење на членови кои предвидуваат казни за злоупотреба на јавни набавки, оштетување на буџетот, а пониски казни се предлагаат и за делото злосторничко здружување.