Од 1 јуни директен лет од Скопје до грчкиот остров Крф

Грчката авиокомпанија „Aegean Airlines“ ќе започне со редовни летови меѓу Скопје и грчкиот остров Крф од 1 јуни, соопшти Екс-Ју Авијација.

Од скопскиот аеродром ќе се лета секој вторник и сабота, додека возвраните летови се планирани за среда и недела. Летовите ќе се одвиваат до 28 септември 2024 година.

Во моментов, повратен билет е со почетна цена од 220 евра.

Ова е трета дестинација која oваа авиокомпанија ја воведува од Скопје, откако претходно воведе летови меѓу Скопје и Атина и Скопје и Сараево.