Обвинителството нема кривично да го гони Дрин Ахмети, количината на пиротехниката не била голема

Се откажува кривичното  гонење на Дрин Ахмети, внук на претседателот на ДУИ, Али Ахмети откако во неговиот автомобил беа пронајдени пиротехнички средства за време на полициска контрола на 30 декември 2023 година, изјавија од ОЈО.

Од обвинителството утврдиле дека количината на пронајдената пиротехника не е доволна за покренување на кривична одговорност.

Поради немање дозвола за превоз на пиротехнички средства, Ахмети направил прекршок и за тоа е предвидена глоба од 200 до 400 евра. Во меѓувреме Обвинителството продолжува со истрага за други случаи, вклучувајќи го и овој поврзан со акциите на „Соравија“. Се анализираат документи и се бара правна помош од САД за дополнително истражување.