Обвинителството на БиХ обвини деветмина Хрвати за злосторства против Србите
Обвинителството на Босна и Херцеговина обвини деветмина членови на поранешниот Хрватски совет за одбрана, соработници на полициските структури и чувари логорите и другите објекти за приведување на заробеници, заради воени злосторства против српското население извршени во 1992-1993 година, соопшти српската државна телевизија РТС.
Според обвинителството, обвинетите „учествувале во проготнот на населението од српска националност поради етнички, културен и религиозен предзнак, заради што е поведена постапка за злосторства против човештвото“.
Хрватскиот совет за одбрана беше вооружена формација на босанските Хрвати, што дејствуваше за време на војната во БиХ од 1992-1995 година со поддршка на хрватската армија. За време на конфликтот Хрватскиот совет за одбрана учествувал во етничките чистки.
Пред тоа, обвинителството на Босна и Херцеговина почна постапка против поранешниот министер за внатрешни работи Јусуф Пушина и неговите потчинени соработници под обвинение за убиство на осуммина заробени Срби и криење на тоа злосторство. Како команданти и припадници на полицијата, обвинетите во април 1992 година дејствувале во спротивност со Женевската конвенција за заштита на воените заробеници, се наведува во соопштението.
Според верзијата на обвинителството, осум војници од српска националност биле одведени во Големиот парк во центарот на Сараево, каде биле стрелани со автоматско оружје.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање