Обрван: Не бевме надиграни

Македонија со пораз од 30:23 стартуваше на ЕП, а по пресот селекторот Ивица Обрван во разговор со македонските новинари се осврна на дуелот:

- Има многу вакви натпревари. Дадоа многу голови од позиција на пикер кога нашите едноставно се „одбиваа“, но тие се посилни во тие ситуации. Морам да бидам задоволен 55 минути, но не зборувам за последните пет минути. Сепак не одигравме цел натпревар на ниво. Во 52.минута беше 23:22 и загубиме седум. На крајот тоа не е реалниот однос . Во неколку моменти имавме и несреќа (Прибак статива, Георгиевски исто) може ќе беше и 3-4 разлика. Кузмановски почне без разлика што е дебитант за да ги намалиме измените да не бидат две веднаш на стартот. Имаше гол и добар шут и во одбрана беше добар. Мора уште многу вакви натпревари да одигра. Истото тоа важи за Талевски и Пешевски. Имаме 2-3 играчи кои малку повеќе се потрошија, но ќе се рехабилитираат во текот на утрешниот ден. Повторно ќе играме вака.

Македонија утре ќе тренира во попладневниот термин од 18:30 часот.

Од Краков,

Марјан Ников