Објавена новелата „Изгубеното момче“ од Томас Вулф
Новелата „Изгубеното момче“ од американскиот писател Томас Вулф, во превод од англиски јазик на Сибел Ајдинова деновиве ја објави Друштвото за издавачка дејност „Македоника“ од Скопје.
Како што наведува издавачот, станува збор за автобиографска проза во која Вулф ја раскажува приказната за своето семејство и за страдањата поради смртта на својот брат кој умира од тифус на 12 - годишна возраст. Приказната, се нагласува, е меланхолична, составена од четири дела, раскажана од четири лица, видена од четири агли, но со висока реторичка вештина и лирска стилска изведба.
- Вулф е познат по мешањето на оригинални, поетски, рапсодични и импресионистички стилови. И во ова кусо дело тој го покажува своето големо раскажувачко мајсторство, се посочува за авторот на делото.
Томас Клејтон Вулф (1900 – 1938) е познат американски писател од триесеттите години на 20. век. Автор е на четири романи и повеќе раскази, драмски дела и повести. Неговите романи се автобиографски или полуавтобиографски дела напишани со висока реторичка вештина и стилска изведба. Најпознати дела му се: „Погледни го својот дом, ангелу“, „За времето и реката“ и „Пајажина и карпа“.
По неговата смрт неговиот современик Вилијам Фокнер изјавил дека Вулф веројатно бил најталентираниот од неговата генерација, бидејќи со своето влијание ги надминал делата на Џек Керуак, Реј Бредбери и Филип Рот.
Ново на Сител
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата
-
Никако да се стави крај на нелојалната конкуренција