Објавен првиот том од избраните дела на Методија Фотев

Во рамките на едицијата „Избрани дела“ на Методија Фотев, во издание на „Дијалог“ од Скопје, од печат излезе романот „Потомците на Кат“.

Тоа е прва книга од петтомниот проект во кој писателот Фотев ќе биде претставен и со романите „Селани и војници“, „Големите скитачи“, „Неплодна вода“ и „Вивариум“.

„Избраните дела“ на Методија Фотев излегуваат со критички толкувања на Петар Т. Бошковски и Слободан Мицковиќ, а во редакција на Веле Смилевски.

Методија Фотев (1932 – 2019) е еден од најистакнатите македонски романисери. За своето творештво тој е добитник на наградите „11 Октомври“, „13 Ноември“ и „Дијалог“.