Објавен конкурсот за трет циклус студии на Битолскиот универзитет
Универзитетот „Св.Климент Охридски“-Битола го објави конкурсот за упис на кандидати во трет циклус или докторски студии.
За новата академска година огласени се 111 места за студирање на 11 универзитетски единици, вклучувајќи го и научниот институт во Прилеп, информираат од Ректоратот на Универзитетот во Битола.
Од Ректоратот во Битола посочија дека на Техничкиот факултет-Битола може да се запишат 26 студенти, на Педагошки факултет 8, на Факултет за безбедност во Скопје ќе може да студираат 18, а на Економскиот факултет во Прилеп 9 студенти.
- Докторски студии ќе се организираат и на Факултетот за туризам и угостителство во Охрид, каде може да се запишат 11 студенти, на Факултет за биотехнички науки 15, Правен факултет-Кичево и Факултетот за информатички и комуникациски технологии ќе запишат по 6 студенти, додека Технолошко-техничкиот факултет во Велес огласи 9 места за идни докторанди. Упис за трет циклус студии ќе се врши и на Научен институт за тутун-Прилеп, каде може да се запишат 3 студенти, потврдуваат од Ректоратот во Битола.
Првиот упис ќе се врши од 17 до 27 август, а цената на студирањето на трет циклус студии на Универзитетот „Св.Климент Охридски“-Битола се движи од 3.500 до 5.000 евра во зависност од изборот на универзитетската единица, додека за студенти од странство докторски студии чинат од 4.000 до 7.000 евра.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово