Обид за киднапирање на дете: Маж со мустаќи сакаше да го пикне во комбе

Загрепчанката Татјана Антоновиќ тврди дека непознати лица се обиделе да го киднапираат нејзиниот син во населбата Черномерц.

Таа на својот Фејсбук профил напиша дека маж се обидел нејзиниот син да го „пикне во бело комбе“.

Мајката вели дека маж со мустаќи излегол од комбето и на нејзиниот син му рекол да влезе внатре.

-Му благодарам на Бога што детето успеа да побегне, напиша мајката која целиот случај го пријавила во полиција, додека мажот со комбето успеал да побегне.

Од полицијата во Загреб потврдуваат дека е побарана нивна интервенција, но по испитувањето е утврдено дека немало директен контакт меѓу него и детето и дека не станувало збор за киднапирање.

Тој, велат од полицијата, не разговарал со детето туку со рака му дал знак да влезе во комбето!?