Обама заминува од Белата куќа со поддршка од 58 проценти

Претседателот на САД, Барак Обама в петок ќе замине од Белата куќа со рејтинг од 58 проценти, покажуваат резултатите од анкетата на институтот „Галуп“.

Обама има четири проценти помалку од претседателот Џорџ Буш постариот кога ја напушташе функцијата во 1993 година, додека Бил Клинтон во 2001 година замина со рејтинг од 57 проценти, а Џорџ Буш помладиот во 2009 година имаше рејтинг од само 40 отсто.

Обама на почетокот од првиот мандат имаше рејтинг од 69 отсто, потоа следеше пад, па зголемување до 62 отсто по претседателските избори во ноември, за да се намали до 58.

Првата дама Мишел Обама е попопуларна од својот сопруг со рејтинг од 68 проценти, колку што беше и во јануари 2009 година, кога влезе во Белата куќа.

Вицепретседателот Џо Бајден има рејтинг од 61 отсто.