Обама: Путин се обидува да го поткопа единството на Европа
Американскиот претседател Барак Обама оцени денеска дека неговиот руски колега Владимир Путин се обидува да го поткопа единството на Европа, на кое гледа како на закана.
Обама, во интервју за телевизијата Си-Би-Ес изјави дека според мислењето на САД проблем станува мигрантската криза во Европа. Според него мигрантската криза врши притисок на политиката во Европа, го поттикнува ултрадесничарскиот национализам и го охрабрува распадот на Унијата, што потоа го користат луѓето како што е Путин.
- Путин гледа на НАТО, ЕУ и трансатлантското единство како на закана, наведе Обама. Мислам дека греши. Му укажав дека, напротив, силна, обединета Европа која соработува со силна и отворена Русија е добар рецепт, но Путин се уште не е сосема убеден во тоа, изјави американскиот претседател на крајот на турнејата во Блискиот Исток и Европа.
За време на посетите на земјите од ЕУ, Обама ги повика европските лидери да покажат повеќе единство во соочувањето со економската криза, заканата од исламскиот тероризам и огромниот прилив на мигранти од Блискиот Исток и од други подрачја.
Тој исто така ја повика Велика Британија да не гласа за излегување од ЕУ на референдумот во јуни.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња