Обама организира следната недела собир на светски лидери за бегалската криза

Американскиот претседател Барак Обама ќе организира следната недела во ОН во Њујорј, состанок со светски лидери на кој ќе се дискутира за бегалската криза, објави денеска Белата куќа.

– Мал број држави ширум светот трпат огромен товар со стотици илјади, а во некои случаи дури и милиони лица кои побегнале од својата држава за да избегнат насилства, соопшти портпаролот на Белата куќа Џош Ернест.