О Нил: Македонија од почетокот се соочува со непријателство од соседите
Република Македонија беше единствениот дел од поранешна Југославија кој се движеше кон независност сосема мирно. Тоа беше големо достигнување во време кога Македонија се наоѓаше под голем притисок од поголемите соседи, изјави британскиот амбасадор и прв медијатор во спорот околу името Робин О Нил за Програмата Гласот на народот.
- Првпат кога дојдов да ја запознаам Македонија во 1992 година, јас, исто така, бев длабоко импресиониран од чувствата за национално единство и на напорите и од власта и од албанската заедница да се работи на систем во кој јазикот на албанската заедница беше признат и му се даде свој израз. Жалам поради тоа што 25 години подоцна, по толку многу што е постигнато во Македонија, оваа национална солидарност сега е доведена во прашање, додава британскиот амасадор.
Медијаторот О Нил се осврнува и на односот на соседните држави кон Македонија.
- Република Македонија уште од самиот почеток се соочува со непријателство од соседните држави, како и со долгата и бесмислена кампања од страна на Грција за да се спротивстави на употребата од страна на Македонија на нејзиното име, дециден е О Нил.
Според него, националното единство е од суштинско значење за успешната иднина на Република Македонија како просперитетна и независна држава, па дури, вели, и за нејзиниот опстанок.
- Сите нејзини граѓани треба да работат заедно како заедница во која културната разновидност може да напредува во рамките на Македонија и да се почитуваат националните институции врз основа на единство, и тоа јасно да се стави до знаење на остатокот од светот, потенцира во интервјуто Робин О Нил.
Ново на Сител
-
Приведен криумчар на мигранти
-
ЈП „Комунална хигиена“: Масовно непрописно исфрлање отпад во близина на контејнерите во Скопје
-
Активен пожар во Негорци, регистрирани 15 пожари на отворено во изминатото деноноќие
-
198 санкционирани возачи во текот на изминатиот викенд на подрачје на СВР Битола, 84 за брзо возење
-
Тешко повредено едно лице, откако возило излетало на железничка пруга
-
Англија со победа го започна ЕП – Белингем и пресуди на Србија
-
Комплетиран предлог составот на новата влада, гласањето најавено за 22 и 23 јуни
-
Американски турист пронајден мртов на остров во близина на Крф, исчезнаа уште тројца туристи