Свет
26. јуни 2019 - 10:27

Новородено девојче пронајдено живо во пластична кеса во шума

Полицијата од американската сојузна држава Џорџија објави драматично видео кое го прикажува спасувањето на новородено девојче кое било пронајдено живо во пластична кеса во шума.

„Го објавивме видеото за да добиеме информации за идентитетот на бебето и да покажеме колку е важно овој случај да биде решен“, велат од канцеларијата на шерифот за „АП“.

Се наведува дека властите на 6 јуни се упатиле кон шумското подрачје, кога од куќа во близина било пријавено дека се слуша плач. Полицијата е во потрага по мајката на бебето.