Ново осветлување во црквата „Св. Вмч. Георгиј Победоносец“ во Трубарево
Во црквата „Св. Вмч. Георгиј Победоносец“ во скопското село Трубарево вчера по неделната богослужба беше поставено ново осветлување. Монтиран е централен кристален полиелеј висок скоро два метра. Овие денови храмот е посетен од многу верници кои доаѓаат да ја видат иконата на Богородица која повеќе од една седмица мироточи.
Кристалниот полиелеј го изработи „Светлина, Дизајн, Квалитет“ од Прилеп, а покрај него е поставен и мал кристален лустер во олтарот.
- Откако беше наместен полиелејот, дојдоа голем број верници, од месното население, како и од околните места, и сите благодарни на Бога и презадоволни што храмот се разубавува со ваков прекрасен полиелеј од македонска изработка, изјави парохискиот свештеник, отец Бобан Богдановски.
Новото осветлување, додаде отецот, целосно е финансирано од донациите на верниците. Најави дека во план е и нова крстилница за верниците, доколку дозволат условите.
За чудото со иконата на Пресвета Богородица, отец Богдановски вели: Дефинитивно се работи за чудо.
- И мојот, и официјалниот став на Македонската православна црква, е дека оваа појава е чудо и знак од Бога. Архиепископот г.г Стефан дојде во црквата, ја погледна иконата и констатираше дека навистина се работи за чудо, рече Богдановски.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација