Новинарот Михајлоски: Битката ја добив, војната ја изгубив - татко ми почина

Новинарот и уредник на Канал 5, Гоце Михајлоски кој беше позитивен на корона вирусот, преку својот профил на Фејсбук во детали ги опиша деновите како се справувал со опасната болест.

Тој се заблагодари на сите медицински лица за помошта додека се борел со болеста и апелираше да се носат маски и да се држи растојание.

,,Во семејната куќа во Прилеп вирусот “влегол” кон крајот на март. Викендот 28-29 март бев во посета на родителите, неполни 24 часа, тогаш полицискиот час беше од 16 часот. Подоцна се покажа дека тоа е и последна средба со татко ми. Никој немаше никакви симптоми и не можеше ниту да претпоставиме дека “непријателот” е тука. Од каде дошол не знаеме, можеме само да погодуваме, ама тоа сега веќе е и ирелеватно“, напиша Михајловски на својот профил.