Новинарите го изнервираа ван Гал

Тренерот на фудбалерите на Манчестер Јунајтед Луи ван Гал, во среда ја напушти прес конференцијата во пресрет на мечот со Стоук, изнервиран од прашањата на новинарите во врска со неговата иднина на клупата на „црвените ѓаволи“.

 

Ван Гал на новинарите им рече дека на пресот дошол заради правилата на Премиер лигата, пренесува BBC.

 

 „Ви посакувам среќни божикни празници и можеби Нова година, доколку ве видам. Уживајте во виното и питата со месо“, рече Ван Гал на прес конференцијата, напуштајќи ја само по пет минути.

 

 Претходните денови доста се шпекулираше околу заминувањето на Ван Гал од Манчестер Јунајтед заради лошите резултати на клубот.

 

 Како еден од наследниците се споменува и доскорешниот менаџер на Челзи, Жозе Мурињо.