Нови улици во радовишките села Ињево и Подареш
Во oпштина Радовиш деновиве интензивно се градат улици во неколку села со средства од Агенцијата за рурален развој.
Градоначалникот на oпштина Радовиш Сашко Николов, вели дека во селото Ињево градежната фирма „Жикол“ пробива и гради две улици во должина од еден и пол километар.
- Вредноста на овие две улици кои се градат со тротоарски површини е 400.000 евра. Благодарение на Агенцијата за рурален развој во моментов се градат и две улици во село Подареш во должина од 800 метри. Инвестицијата во селото Подареш изнесува 130.000 евра, вели Николов.
Тој денеска информираше дека градежната фирма „Гранит“ напредува и со изградбата на локалниот пат кој ги поврзува селата Подареш-Калуѓерица во должина од четири километри, за што општината зеде и кредит од Светска банка во висина од околу 500.000 евра.
Во градот Радовиш од општинскиот буџет се реконструираат и улиците „Бел Камен“, „Шаин маале“ и „Браќа Миладинови“. Николов потенцира дека изградбата на улиците во радовишките села очекува да заврши кон средината на мај, а во тек се и тендерски постапки за изградба на улици во селата Покрајчево, Воиславци и Калуѓерица.
Ново на Сител
-
Амбасадорите подготвени да соработуваат со Мицкоски за судските реформи
-
Советот на обвинители не сака распуштање, Мицкоски вели срамно е да се има доверба од 2%
-
268 матуранти паднаа на државната матура
-
Кој ќе одговара за скапо платените и некористени акцеларатори за малигно болни кои ќе завршат во отпад?
-
ЕпсоТех инвестира 20 милиони евра - Ќе бидат вработени 110 луѓе
-
„Да ги пуштиме нозете колку ни е долга чергата“ рече Мицкоски за барањето 450 евра минималец
-
Кога пензионираните пилоти за ер тракторите ќе се вратат на работа?
-
Традицијата продолжува - Златните денови Кратово 2024