Нови субвенции за земјоделците

10 илјади евра грант ќе добијат малите производители на храна и мали винарии. Министерот за земјоделие денеска ги презентираше новите мерки за поддршка на малите производители на храна и пијалоци.

- Успехот за програмата на мали винарии минатата година беше поттик да креираме оваа година и програма за мали дестилери со грантови од 5 илјади евра и програма за мали производители на храна којашто ќе биде презентирана денеска, којашто е најголема и ги таргетира младите, жените и малите производители во рурални средини. Оние коишто произведуваат македонски производи од животниско и неживотинско потекло се со цел за прв пат да можат да добијат грант од 10 илјади евра за развој, зголемување на производството, брендирање на производите и клучно остварување на нашата цел а тоа е создавање и креирање на што повеќе финални производи кои ќе се продаваат од праг и од фарма, кажа министерот за земјоделие Љупчо Николовски.