Нови фито-анализи за извоз на вино

Со новите брзи анализи кои за само 10 минути овозможуваат параметри неопходни за извезување вино на светските пазари, ќе се запознаат денеска учесниците на семинарот што го организира Државната фитосанитарна лабораторија (ДФЛ). 

Семинарот е на тема „Лабораториски услуги на Државната фитосанитарна лабораторија за анализа на грозје, шира, шира во ферментација и завршено вино (суво, полусуво и слатко) согласно законската регулатива на Република Македонија". 

Семинарот се одржува во соработка со „ЛАБЕНА ДООЕЛ - Скопје“, застапник на FOSS компанијата производител на инструменти во областа на биотехнологија за храна, и со Здружението на винари на Република Македонија, а ќе го отвори директорката на Државната фитосанитарна лабораторија Сузана Кратовалиева.