Бизнис
1. February 2017 - 20:20

Нови бесплатни проекти за типски куќи

Бесплатни проекти за уште шест типски куќи се достапни за симнување од страницата на министерството за транспорт и врски.

Граѓаните заинтересирани да градат куќа, доколку истото го прават по некои од овие архитектонси проекти, можат да заштедат од 900 до 2000 евра од инвестицијата.

Од министерството потенцираат дека освен намалување на трошоците за градба, со мерката се кратат и роковите за добивање на одобрението за градба.

Според податоците на министерството, дека до крајот на 2016-та, првите шест проекти за објекти за индивидуално домување биле симнати од веб страницата над 10 илјади пати.

Заради интересот, се распиша нов тендер за идејни решенија за уште шест куќи со различна квадратура. Така, граѓаните сега може да избират бесплатен проект за изградба на куќи од 50, па се до 200 квадрати.

Ова е една од мерките, покрај станбените субвенции и земјиштата за типски населби, чија цел е поттикнување на инвестиците во домувањето.

Освен од интернет, проектите може да се подигнат и во министерството.