Новата Европска комисија денеска го почнува својот петгодишен мандат
Европската комисија во новиот состав, предводена од Урсула фон дер Лајен, денеска почнува со работа.
Европската комисија е главно извршно тело на ЕУ, која по својот состав и функции наликува на влада.
Наместо министри, составена е од комесари задолжени за различни ресори, при што секој член на Комисијата доаѓа од различна земја членка на ЕУ.
Со Урсула фон дер Лајен на чело, Европската комисија за првпат добива жена претседател.
Во исто време, во новиот состав на Европска комисија постигнат е досега највисок родов баланс, односно од 27 највисоки позиции, 11 ги држат жени.
Фон дер Лаејн истакна дека во работата со регионот најмногу ќе и помогнат шефот на дипломатијата на ЕУ и комесарот за проширување.
Досегашната шефица на дипломатијата на ЕУ, Федерика Могерини, ја менува досегашниот министер за надворешни работи на Шпанија, Жозеп Борел.
Претставувајќи ја својата програма, Борел изјави дека сака лично да се посвети на „реформите и процесот на интеграција на Западен Балкан“.
Борел исто така ќе посредува во дијалогот меѓу Белград и Приштина.
Оливер Вархељи го презема ресорот за проширување од Јоханес Хан, во момент кога во ЕУ се води расправа за реформите во пристапната политика.
Вархељи оцени дека не треба да се менува целата рамка на политиката за проширување, туку дека треба да се подобри методологијата.
Европската комисија соопшти дека новиот комесар за проширување во вторник на 3 декември ќе учествува на конференција на високо ниво посветена на европската интеграција на Западен Балкан.
Ново на Сител
-
Уставен ќе го разгледа барањето на Апасиев за дискриминација од Џафери
-
Продолжение на 16-тата собраниска седница
-
Мицкоски и Таравари во посета на поликлиниката „Идадија“
-
Најмалку шест луѓе загинаа во израелски напад врз Бејрут
-
Руска бомба погоди станбена зграда во Харков
-
Состојба на патиштата
-
Претпладне сончево, попладне повремен локален дожд
-
Струга: Агресивно се однесувал во казино, па го нападнал обезбедувањето - Кривична за 33 годишен маж