Нова турнирска победа за Ѓорческа

Македонската тенисерка Лина Ѓорческа заедно со Галина Воскобоева од Казахстан триумфираа на фјучрсот во Валенсија што се играше за награден фонд од 25.000 долари. Ова за Ѓорческа е седма турнирска победа на фјучрс турнирите во 2016 година.

Комбинацијата Ѓорческа-Воскобоева на убедлив начин го заврши учеството на турнирот откако двата сета против Алисија Хереро Линана од Шпанија и Ксенија Шарифова од Русија ги добија со 6:0 и финалето го завршија без загубен гем, а турнирот без загубен сет. Мечот траеше 45 минути, а скорот во освоени поени беше 48:28.

За победата Ѓорческа ќе освои 60 поени, додека во сингл конкуренција турнирот го заврши во 2.коло и ќе освои шест поени.