Нова анархистичка група во Грција презема одговорност за напад врз седиштето на Сириза

Организација која себе си се нарекува „Група анархисти, комунисти и противници на власта“, ја презеде одговорноста за неодамнешниот напад со импровизирани молотови коктели врз централното седиште на грчката владејачка партија Сириза во Атина.

Според весникот „Та Неа“, анархистите објавиле текст на Интернет во кој се вели дека овој чин бил направен во критичен политички момент, на 19 февруари, односно пред средбата на Еврогрупата следниот ден, на која, како што се очекувало, бил означен почеток на „нов класен напад против работничката класа и младите“.