Нов вербален спор меѓу Рим и Париз поради мигрантите
Претставничка на француската Влада денеска ја обвини Италија дека се однесува „хистерично“ во однос на миграцијата, на што италијанскиот министер за внатрешни работи Матео Салвини возврати дека Франција би требало да ги отвори своите пристаништа за мигрантите.
Париз и Рим, во текот на минатата година повеќепати се судрија во однос на миграцијата, бидејќи италијанската Влада настојува да спречи хуманитарни спасувачки бродови со мигранти да впловат во италијанските пристаништа.
– Мислам дека италијанската Влада не е дорасната на задачата, изјави денеска портпаролката на француската Влада Сибет Ндаје. – Однесувањето на Матео Салвини е неприфатливо, што се однесува до мене, рече таа и го обвини дека создава „хистерична“ атмосфера поради миграцијата.
Салвини, кој е лидер на крајно десничарската Лига, веднаш реагираше на нејзините обвинувања.
– Моето однесување во однос на имиграцијата е неприфатливо? Француската Влада треба да престане со овие навреди и да ги отвори своите пристаништа за мигрантите, порача Салвини.
Ново на Сител
-
Министерство за здравство: Ќе се утврдат причините за смртта на 14-месечно бебе
-
Спасувачите трагаат по исчезнати по поплавите и свлечиштата во Јабланица
-
Досега нема кривична пријава поврзана со „Конти“, граѓаните да внимаваат при вложување пари во вакви апликации
-
Лазов: ДСЗИ ќе изврши вонреден инспекциски надзор во здравствените установи каде починатотото бебе било претходно лекувано
-
МОН: Честит 5 Октомври – Светски ден на учителот
-
Над 20 интервенции ноќеска во поплавени куќи во Тетово
-
Тошковски: Да се фокусираме на професионалноста, а не на етничкиот предзнак
-
Фич: Курсот на денарот и банкарскиот сектор остануваат стабилни