Нов убедлив пораз на МЗТ Скопје во АБА лигата

МЗТ Скопје Аеродром претрпе убедлив пораз на домашен терен во рамките на 9.коло од АБА лигата откако загуби од лидерот во ова натпреварување Будуќност со 93:71 (22:13; 21:20; 18:20 и 32:18).

Избраниците на тренерот Александар Тодоров беа рамноправни во вториот и третиот период, но разликата во квалитет Будуќност ја покажа во првата и последната четвртина.

На почетокот на последниот период Будуќност водеше со 61:53, а потоа тимот од Подгорица имаше серија од 17-0 за потврда на убедливиот триумф.

Ова за Будуќност беше осма победа во серија, а МЗТ Скопје го забележа петтиот пораз по ред.

Кај гостите сите играчи се запишаа во листата на стрелците, а најефикасен беше Никола Ивановиќ со 14 поени, додека кај МЗТ Скопје најпрецизни беа: Јуре Лалиќ и Бојан Трајковски со по 13 поени.

Будуќност е прв на табелата со 17 поени, додека МЗТ Скопје е последен со 11.

https://