Нов протест на кичевци против поскапувањето на електричната енергија
Група кичевци попладнево протестираа против поскапувањето на електричната енергија, по втор пат движејќи се бавно во колона од неколку десетици возила на магисталата Скопје-Охрид во делот што минува низ Кичево, од селото Другово, до крстосницата кон РЕК „Осломеј“.
За време на протестот, сообраќајот во овој дел, долг околу четри километри, се одвиваше бавно и полицијата го регулираше минувањето на други возила.
Од Иницијативниот одбор за протести соопштија дека целта на протестот е да се потенцираат веќе познатите барања за повлекување на одлуката за зголемување на цената на електричната енергија од 7,4 проценти, за намалување на нејзината цена за домаќинствата за 46 отсто, за укинување на монополот на услугите на ЕВН, за распуштање на Регулаторната комисија за енергетика и за формирање „независна Регулаторна комисија во служба на граѓаните, што ќе го контролира квалитетот на услугите од областа на енергетиката“.
Тие исто така побараа и намалување на ДДВ-то од 18 на 5 отсто и за укинување на доплатата од 33 проценти на електричната енергија.
Инаку овој беше вкупно шести протест против поскапувањето на струјата во Кичево. Тој траеше околу еден час и мина без инциденти.
Ново на Сител
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции