Нов паркинг во Автокоманда

На улицата „Христо Ботев“  во Автокоманда во тек е изградба на паркинг за 50 автомобили, на простор од околу 1.000 м2, информираат од Општина Гази Баба.

Покрај паркингот се прави канал за одведување на атмосферската вода. Поставени се три столба, од кои два се високи осум метри со по два рефлектори и еден столб од четири метри.

Работите ги изведува фирмата АД Бетон Скопје, а за реализација на овој проект општината издвоила средства во висина од 1.200.000 денари.