Норвешка ги зголемува своите климатски обврски

Норвешка ги зголеми своите обврски за заштита на климата со најава дека емисиите на стакленички гасови ќе ги намали за најмалку 50 отсто.

Нордиската земја која не е во ЕУ, но тесно поврзана со неа, претходно вети дека ќе ги намали своите емисии за најмалку 40 проценти до 2030 година во однос на 1990 година, пренесува Бета.

– Норвешка е првата западна земја … која на Обединетите нации им соопшти дека ги зголемува климатските цели, изјави норвешкиот министер за клима и животна средина, Свеинунг Ротеватн, истакнувајќи дека најновата одлука е „важен чекор кон зелена транзиција“.

Норвешка – најголем производител на нафта и гас во Западна Европа, исто така е шампион со најголема концентрација на електрични автомобили во светот во споредба со бројот на жители.