Нојер ќе брани за Баерн до 2026-та
Голманот на Баерн, Мануел Нојер следниот месец ќе наполни 39 години, но нема намера да се пензионира.
Славниот германски голман потпиша нов едногодишен договор со баварскиот гигант, што значи дека ќе има 40 години кога ќе истече на 30 јуни 2026 година.
Неговиот стар договор истече во јуни и на почетокот на годината најави продолжување на соработката, која беше официјализирана во понеделникот.
„Мануел Нојер го продолжи договорот со клубот до 2026 година“, објави Баерн на социјалните мрежи и на клупскиот портал.
По тој повод се огласи и спортскиот директор на Баерн, Макс Еберле.
- Мануел Нојер е најдобриот голман во својата генерација и икона на Баерн. Кога зборувате за голман во наше време, зборувате за Мануел Нојер, и тоа ширум целиот свет, рече Еберле.
Нојер во славниот клуб од Минхен пристигна во 2011 година од Шалке. Со Баварците 11 пати беше германски шампион (11 последователни сезони од 2013 до 2023 година), пет пати го освои Купот на ДФБ и двапати Лигата на шампионите.
Ново на Сител
-
Изгаснати два пожари во Велес
-
Кик бокс Маи Таи Федерацијата продолжува да расте
-
ДПИ ќе реферира во вторник на Влада за состојбата со високите цени на храната, можни се мерки за нивно ограничување
-
Рама: Деновиве ќе биде блокиран ТикТок во Албанија
-
Се реконструира скверот зад ТЦ „Капитол“, проект вреден 45 милиони денари
-
Мицкоски за интерпелацијата за Судски совет: Нема како да бидат разрешени членовите, но борбата ќе биде со јавен притисок
-
48-годишен скопјанец пронајден починат во семејна куќа во Удово
-
Ким: САД се виновни за сите конфликти и крвопролевања во светот