Собранието повторно отворено за посета на граѓаните

Посетите на граѓаните на Собранието на Република Македонија кои беа времено прекинати поради изведување градежни работи на зградата на Собранието повторно се востановуваат.

Како што информира собраниската прес-служба, сега повторно се отвора можност граѓаните да ја разгледаат внатрешноста на зградата како значајно историско обележје на македонската државност, меѓу кои и свечениот дел на Собранието и да добијат одговор на нивните прашања.

Собранието ќе биде отворено секој последен петок во месецот, а заинтересираните граѓани потребно е да се пријават на телефон 02 3 113 683 или на е-маил s.stamenkovska@sobranie.mk, најдоцна пет работни дена пред посетaта.