Свет
19. September 2015 - 14:11

Спасени 750 мигранти во близина на либиското крајбрежје

Најмалку 750 лица од три мали бродови во меѓународни води во близина на либиското крајбрежје се спасени денеска од спасувачкиот брод на Лекари без граници „Бурбон Аргос“.

Портпаролот на групата Лекари без граници Сами ал-Субајхи изјави дека четврта спасувачка операција е во тек, како и дека меѓу досега спасените има луѓе со разни националности и дека сите се во добра здравствена состојба.

„Бурбон Аргос“ има 26 членови на екипаж, вклучително лекари специјалисти.

По спасувањето на бегалците на бродот им се нуди лекарска помош, доколку имаат потреба за тоа, а потоа се пренесуваат во центри во Италија или Грција.

Либиските власти вчера спасија 102 мигранти, а пронајдоа и седум безживотни тела.