Сириза со блага предност пред Нова демократија пред утрешните избори во Грција
Последните анкети, направени пред изборниот молк во Грција кој почна синоќа на полноќ, покажуваат блага предност за Сириза пред Нова демократија.
Синоќа беа објавени резултатите од шест анкети кои, како и досега, покажаа дека двете главни партии Сириза и Нова демократија, вкупно ќе добијат 62 до 63 отсто од гласовите, а првата партија ќе има предност од два до три проценти пред втората. Поради поделеноста што ќе се создаде во парламентот, без разлика која партија да победи, ќе мора да формира коалиција со една една или две помали партии за да обезбеди мнозинство.
Според аналитичарите, последните анкети, со оглед на тоа што предноста на Сириза пред Нова демократија е зголемена на 2,5 од 0,6 отсто, ги потврдуваат тврдењата на Ципрас дека има многу „тивки поддржувачи“ кои ќе гласаат за неговата партија.
- Има гласачко тело што е под радарот, тоа се уште не е откриено, изјави Ципрас.
Сириза синоќа ја заврши предизбората кампања со митинг во центарот на Атина. Ципрас во последниот предизборен говор рече дека изборите во неделата се можност „да се закопаат грчките корумпирани политички елити кои ја потонаа земјата во долгогодишна финансиска криза“.
Тој ги повика гласачите да ја искористат историската шанса што им е дадена. - Изборот со кој се соочувате е да се вратите назад или да продолжиме да се бориме заедно, им порача Ципрас на гласачите.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје