Хрватскиот сабор во колапс

Откако лидерот на Мост, довчерашната помала членка на владејачката коалиција, Божо Петров поднесе оставка на позицијата претседател на Саборот, во законодавниот дом настана колапс и нов хаос.

Танјуг пренесува дека на неговото место седна поранешниот претседател на Саборот Жељко Рајнер, но на тоа реагираше пратеникот на Мост, Никола Грмоја, кој од потпретседателот на Саборот побара веднаш да стане од столчето, цитирајќи го Деловникот за работа на Саборот.

Според Деловникот, објасни Грмоја, право да седне на столчето на претседателот на Саборот има само потпретседатлот од редовите на парламентарното мнозинство.

Бидејќи денеска,  меѓутоа, Саборот гласаше нерешено за довербата на министерот за финансии Здравко Мариќ (75:75), Мостовци сметаат дека Саборот нема парламентарно мнозинство и со самото тоа никој не може да го преземе претседавањето со Саборот.