Могерини: Резултатот на Макрон е надеж и иднина за нашите генерации

Високата претставничка за надворешна политика и безбедност на Европската унија Федерика Могерини го поздрави резултатот што независниот центристички кандидат Емануел Макрон го постигна во првиот круг на изборите за претседател на Франција. Тој се квалификуваше за вториот круг што ќе биде одржан на 7 мај. 

- Кога ги гледам знамињата на Франција и ЕУ како го поздравуваат резултатот на Макрон, тоа претставува надеж и иднина за нашите генерации, порача Могерини на Твитер. 

Според прелиминарните резултати од првиот круг на изборите за претседател на Франција, што беше одржан вчера, проевропски ориентираниот кандидат Емануел Макрон и кандидатката на крајната десница Марин Ле Пен ќе се натпреваруваат на 7 мај во вториот круг, кога ќе биде избран претседателот на Франција.