ММФ: Македонската економија годинава со раст од 3,2 отсто, следната 3,4
Меѓународниот монетарен фонд во најновата економска прогноза предвидува дека македонската економија годинава ќе има раст од 3,2 отсто, а догодина од 3,4 проценти.
Во документот објавен на традиционалното пролетно заседание на ММФ и Светска банка во Вашингтон, се посочува дека растот на македонскиот БДП до 2022 година ќе се движи до 3,8 отсто.
Највисок економски раст во регионов годинава ќе забележи Албанија со 3,7 проценти, а најнизок Бугарија и Хрватска со 2,9. Србија и Босна и Херцеговина годинава ќе ја завршат со раст на БДП од 3 проценти, Косово 3,5 и Црна Гора со 3,3.
ММФ и во 2018 година предвидува највисок економски раст од 4,1 процент да оствари Албанија, а по неа се Косово со 3,6, БиХ и Србија со 3,5, Македонија и Црна Гора со 3,4, а најмал раст ќе имаат Бугарија со 2,7 и Хрватска со 2,6.
Светска банка во почетоков на април годинава излезе со прогноза дека македонската економија во 2017 година ќе забележи раст од 2,8 проценти, а во 2018 од 3,3 отсто.
Според проценките на ММФ, светската економија годинава ќе порасне за 3,5, а во 2018 за 3,6 проценти.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг