Министерот Нухиу на Салцбуршки форум во Сараево
Делегација на Министерството за внатрешни работи предводена од министерот Агим Нухиу денеска учествува на конференцијата на министри за внатрешни и за надворешни работи во рамки на Салцбуршкиот форум што се одржува во Сараево.
Во своето обраќање, министерот Нухиу оцени дека заканата од насилен екстремизам е комплексна и оти тој е во можност да ги дестабилизира државите и да предизвика насилство.
- Во услови на глобализација на светот, поврзаноста на екстремизмот со тероризмот, верскиот радикализам и национализмот претставува сериозна закана која ги надминува националните рамки и поприма меѓународна димензија. Македонија во континуитет е изложена на асиметрични закани кои произлегуваат од зачестеното манифестирање на етничка нетрпеливост, верска нетолеранција и екстремизам, кои создаваат погодно тло за радикализација која може да доведе до тероризам, истакна Нухиу.
Македонскиот министер за внатрешни работи посочи дека Македонија во 2015 година се соочила со неконтролиран прилив на огромен број бегалци и мигранти, но оти постои реален ризик од повторно создавање на бегалски бран годинава. За справување со предизвиците, според Нухиу, потребна е координирана регионална соработка и заедничка безбедносна стратегија.
- Тргнувајќи од искуствата со мигрантската криза од 2015 година, при реализација на вакво сценарио, Република Македонија би била една од најпогодените држави на т.н „Балканска рута“. Ефикасната превенција и сузбивање на појавните облици на овие феномени подразбира координирана регионална соработка и постојана надградба на нормативните и институционални капацитети, како и градење на заедничка безбедносна стратегија за справување со предизвиците, рече министерот Нухиу.
На конференцијата во Сараево се дебатира за предизвиците поставени од екстремизмот и тероризмот.
Ново на Сител
-
Кражба во црквата “Св. Спас” во Сопиште, приведени двајца скопјани
-
САД повеќе не препорачуваат вакцини против Ковид-19 за бремени жени и здрави деца
-
Меџити: Таравари и Ахмети предвиделе се, но не и дека ќе го исфрлиме од ВЛЕН и од Владата
-
Критичарите на Ердоган се сомневаат во неговите намери за нов устав на Турција
-
САД ги предупредија своите граѓани да не патуваат во Венецуела
-
Најмалку петмина загинати во големата експлозија во хемиска фабрика во источна Кина
-
Oбвинителен акт против десет лица за продажба на кокаин и марихуана
-
Митева: За првпат во историјата научните бази Web of Science и Scopus стануваат бесплатни