Иран: Нападот на САД во Сирија е деструктивен и опасен

Иран денеска го осуди американскиот ракетен напад врз база на сириските Воено воздухопловни сили, најрекувајќи го деструктивен и опасен.

- Иран ја осудува употребата на хемиско оружје, но истовремено смета дека тоа да се користи како изговор за почнување еднострана акција е опасно, деструктивно и претставува кршење на меѓународното право, изјави портпаролот на иранското Министерство за надворешни работи Бахрам Касеми.

Тој истакна дека Иран силно ја осудува секоја еднострана акција.

- Таквите мерки ќе ги зајакнат терористите во Сирија и ќе ја искомплицираат ситуацијата во Сирија и регионот, оцени Касеми.