Општина Штип апелира да не се пали оган на отворено
Во источниот регион деновиве изгореа околу 220 хектари борова и дабова шума. Портпаролот на Општина Штип, Драган Ристов на денешната прес-конференција истакна дека поради сушниот период, палењето на стрништата во штипскиот регион се случија неколку пожари, меѓу кои и кај воениот полигон Пенуш, каде што изгореа 50 хектари дабова шума и ниска трева.
- Поголемиот дел од пожарите според вработените во нашата Територијална противпожарна единица се подметнати од несовесни граѓани, а дел се резултат и на невнимателност, а за да можеме успешно да ги превенираме пожарите и да спречиме поголеми последици апелираме до граѓаните да внимаваат на отворено, вели Ристов.
Тој додава дека во текот на наредниот период престојат празници, кога граѓаните излегуваат на излети во природа и ги палат скарите. Затоа се надева дека граѓаните ќе го сфатат апелот добронамерно и заеднички ќе помогнат оваа пролет и лето да има помалку пожари на отворено.
Ново на Сител
-
Номиниран јавен обвинител за следење на предметите за кривични дела од омраза и дискриминација
-
Поплави во Сиднеј
-
Уште еден Србин обвинет за воени злосторства во Косово
-
Посебен сообраќаен режим утре во Скопје поради одржување на атлетска трка
-
„Самсунг“ воведува софистицирана „Галакси АИ“ технологија
-
Зверев противник на Алкараз во финалето на Ролан Гарос
-
Полагање на вториот екстерен испит од државната матура
-
Собранието со 88 гласа „за“ и 22 „против“ ги донесе измените на Законот за државна управа