ММДЧП бара Стејт департментот да ја осуди Тиранската платформа
САД да ја осудат Тиранската платформа, наместо да ја оправдуваат и да се залагаат за неа, повторно побарал претседателот на Македонското меѓународно движење за човекови права Бил Николов, на средба со претставници на американскиот Стејт департмент.
Меѓу барањата кои ММДЧП ги изложиле се и амбасадорот Џес Бејли веднаш да се отстрани од функцијата амбасадор на САД во Република Македонија, заменик-помошникот државен секретар Хојт Брајан Ји да го повлече своето барање за доделување мандат, за како што се наведува, антимакедонската коалиција.
- Николов изрази огорченост заради намерите на САД активно да ја поддржат коалицијата чија цел е да се сменат името на Македонија, идентитетот, знамето, химната, што претставува закана за територијалниот интегритет на Македонија, стои во соопштението од оваа организација на македонските иселеници со седиште во Торонто, Канада.
Првиот човек на ММДЧПС, се додава, исто така, побарал од американскиот Стејт департмент и особено Американската амбасада во Македонија, да се држат до принципите на новата администрација на Трамп кои ветиле дека ќе стават крај на американското мешање во внатрешните работи на други држави.
- Двојниот стандард за Македонија и Македонците мора да престане веднаш. ММДЧП очекува САД да ги почитуваат сопствените декларации за демократија и човекови права и да обезбеди услови тоа конечно и да се оствари, се наведува во писмото од Македонското меѓународно движење за човекови права.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп